Ц.Ганзориг: Долдугаар сар гэхэд хэвийн амьдралдаа орох боломжтой

Засгийн газрын хэвлэл мэдээлэл олон нийттэй харилцах хэлтсийн дарга Ц.Ганзориг: Нийт УБ-т 103 зах, худалдааны төвүүд байна. Гэхдээ энэ сарын 08-наас барааны дэлгүүрүүд нээгдэнэ. Та бид хувцсаа авч болно гэсэн үг. Барилгын материалын дэлгүүр, сэлбэгийн дэлгүүрүүд нээгдэнэ. Яагаад ялгавартай хандаад байгаа вэ гэхээр худалдааны төв болон захуудын хүний  нягтаршилаас болж байгаа юм.  Нарантуул дээр 6800 хүн ажиллаж байна, ялгаварлаагүй. Өдөрт 10 мянган хүн тухайн захаар орж гарч байна. Өнөөдөр гурван төрлийн мутаци бүртгэгдчихсэн, халдвар хүн амын дунд улаан түвшинд байгаа учраас тэр. 15-наас дунд зэргийн нягтаршилтай худалдааны төвүүд нээгдээд явна. Жишээлбэл Хархорин, Алтжин бөмбөгөр дотроо битүү зах. Эрсдлийн үнэлгээг нь хараад, бэлтгэл ажлаа хангаад энэ сарын 15-наас нээнэ. Харин энэ сарын 22 гэхэд хамгийн том худалдааны төвүүд буюу хүмүүс өдөрт хэдэн мянгаараа эргэлддэг захуудаа нээнэ. Яагаад 7, 14 хоногийн хугацаа аваад байгаа гэхээр энэ нь шинжлэх ухааны үндэслэлтэй. Өнөөдөр вакцины эхний тунгаа авсан хүмүүс 72 хувьтай явж байна. Харин давтан тунгаа авсан хүн 41 хувь байна. Хүмүүсийн дархлаажуулагдах явц удааширалтай байсан. Тэгэхээр бид нэг өдрийн өмнө ч гэсэн хүмүүсээ дархлаажуулж байж шинэ нийгмийн амьдрал руу шилжихээс өөр аргагүй. Энэ бол МУИС-ийн багш нарын хийсэн математик тооцоолол. Хэрэв бид 21 хоногийн хөл хорио тогтоогоогүй байсан бол 9 сар гэхэд 200 мянган хүн халдварт өртөж, маш олон мянган хүн амь насаа алдах байсан. Бид нар 7 сар гэхэд хөдөө гадаа явж зуны налгарыг мэдэрч чөлөөтэй байх боломжтой. Долдугаар сар гэхэд хэвийн амьдралдаа орох боломжтой. Тийм учраас вакцинжуулалтаа эрчимтэй хийхээр ажиллаж байна. Есдүгээр сар гэхэд бид халдвараа 90-ээс дээш хувьтай барьчихсан, дараад авна гэдэг тооцоололтой байгаа.