Д.Лүндээжанцан: Маск хаанаас авах вэ?

Засгийн газар өнөөдөр ээлжит бусаар хуралдсан. Харин одоо УИХ-д мэдээллээ танилцуулж байна. УИХ-ын гишүүд асууль асууж, харииулт авч байна. 

Асуулт

Д.Лүндээжанцан:

- Хил орчимд ажилладаг жолооч нар яах вэ?

- Маск ханаас олох вэ?

Хариулт:

Д.Сарангэрэл: МУ-д маскны нэг үйлдвэр байна. Түүхий эд нь дутагдалтай байна. БНХАУ-д цагаан сар болсонтой холбоотой. Гэхдээ харилцаа холбоотой улсууд бий. Өнөөдөр гэхэд 900 ширхэг угаадаг маскыг иргэд бидэнд явуулсан. Манай улсад байх 14 улсын Элчин сайдын яам зэрэг байгууллагаас оролцож, МУ-д хэрхэн туслах асуудлаар ярилцлаа. Ингээд шаардлагатай байгаа маск, эмнэлгийн хувийн хамгаалах хэрэгслээр туслахаар ярилцлаа.

Асуулт: 

О.Баасанхүү:

- Сарс-аас илүү хортой хортой вирус гэдэг нь үнэн үү? Далд үеийг нь яаж мэдэж байгаа вэ? 72 иргэн энэ өвчин гарснаас хойш орж ирсэн гэсэн мэдээлэл байна. Нийт хэдэн хятад иргэн байгаа вэ?

- Хүн халуурахад түргэн тусламж дуудах уу, ХӨСҮТ-ийг дуудах уу? Эмнэлгээ бэлдсэн үү? ЯТТ-ийн эмч халдвар авах эрсдэлтэй байна? Иргэдэд мэдээлэл хэр өгч байна? МУ хэр эрсдэлтэй бүст байна?

- 2020.03.02 гэдэг хугацааг яаж сонгосон бэ? Миний бодлоор 4, 5-р сард оргил халдварын үе байна гэсэн. Энэ үнэн үү?

Хариулт:

Д.Сарангэрэл: Шинэ вирус, шинэ өвчин учраас 14 хоногт нууц үе байна гэж үзсэн бол одоо дунджаар нууц үе нь 5 хоног байна гэж үзэж байна. МУ-д коронавирусын халдвар илрээгүй байгаа. Иргэд халуурвал томуу, томуу төст өвчний үндэслэлээр шалгаж байна. Харин гаднаас ирж байгаа иргэдийг шууд тусгаарлаж, онош тодруулж байна.

Асуулт:

Ц.Гарамжав:

- Гэнэтийн асуудал үүсэхэд МУ-ын хүнсний нөөц ямар байдаг юм бэ? Манайд маск дуусчихаад байна. Ер нь нөөц гэж юм байна уу? Ямар маск хэрэглэх вэ?

- Нэг их наяд төгрөгийн зарлага гарах гэж байна гэж байна. Энэ мөнгийг юунд зарцуулах вэ?

Хариулт:

Д.Сарангэрэл: Гадаадад байгаа иргэд маск ирүүлэх, хандивлах ажлууд зохион байгуулагдаж байна. Нийгмийн ийм байдал үүснэ гэдгийг аль ч улс төлөвлөөгүй учир БНХАУ-д маскны нөөц дууссан байна. Манай улсад ч нөөц байхгүй учир аль нөөцтэй газраас татах чиглэлээр ажиллаж байна.

Ч.Улаан: Хэрэглээний нөөц бол байна. Өнгөрсөн жил зах зээлд доргио гарч байсан. Энэ жилийн хувьд хэрэглээний нөөцийг нэмэгдүүлэх зорилго тавьж ажиллаж байна. Арилжааны банкнуудын дэмжлэгээр 8000 тонн мах бэлтгэх ажил хийгдэж байна.  Хөрөнгийн биржээр дамжуулж 540 тонн мах бэлтгэх ажил хийгдэж байна. Экспортод гарч байгаа махны 10 хувьтай тэнцэх хэмжээний махыг дотоодын нөөцөд авах журмын дагуу 2500 тонн мах бэлтгэнэ. Ингээд нийт 12 мянган тонн мах бэлтгэнэ. Үйлдвэрийн агуулахад байгаа махны хэмжээ 15 мянган тонн орчим байна. Мал эмнэлгийн газар 55 үйлдвэр, МХЕГ 35 үйлдвэрт ажиллаад байна. Эдгээр үйлдвэрүүдэд нийт 14 мянган тонн мах байна. Уг нь экспортод гаргахаар бэлдсэн. Харамсалтай нь үйлдвэрүүд экспортод гаргах эрхгүй. Экспортын шаардлага хангахгүй тул агуулахдаа хадгалж байна.

Махны экспорт хийх эрхтэй үйлдвэр цөөхөн. Үхрийн мах гаргах зургаан үйлвэр байна. Дулааны аргаар мах гаргах 15 үйлдвэр байна.